EKKNASKATTINN AFTUR Á

Það  var lagið - ekknaskatturinn lagður á aftur - og auk alls annars - bankaskattur .

Ekki veit ég hvað það er - en ég þekki mann sem er öryrki en á samt þokkalega góðan bíl - að vísu kemst hann ekki leiðar sinnar nema á þessum sérútbúna bíl - en fyrst hann getur fjármagnað bensín á hann svona stundum liggur það á borðinu að hann á aura - kanski ekki marga - en ég er viss um að ef settur yrði á fatlaðrabílabensínskattur mætti hafa af honum einn og einn hundraðkall á mánuði.

Er eitthvað annað eftir að skattleggja?

Nú jú kanski sannleiksskattur á ráðherra.

Ætla að hækka skatta

Er það frétt?????????

Hefur þessi kona ekki komið af fjöllum í flestum málum ??

Ekki vissi hún neitt um mál Seðlabankastjórans - aðgerðir lögmannsins eða starfsmanna ráðuneytisins - afleiðingar skattahækananna - afleiðingar aðildarumsóknarinnar að ESB - hún veit ekkert um afstöðu 70% þjóðarinnar sem er á móti aðild -

hún veit ekkert um vilja þjóðarinnar - einstaklinga og fyrirtækja sem vilja koma hjólum atvinnulífsins í gang - Hún veit ekkert um líðan þeirra tugþúsunda sem eru á atvinnuleysisbótum - hún veit ekkert um líðan fólksins sem mun tapa aleigunni eftir nokkrar vikur í samræmi við Viljayfirlýsinguna sem hún og SJS - Gylfi og Trotskyistinn í Seðlbankanum undirrituðu.

Hún veit ekki heldur að þjóðin vill að hún segi af sér - strax.

Vissi ekki um lögfræðiálitið

Bjartsýni - víst förum við inn - eða hvað????

Í dag er staðan þannig að um 70% landsmanna segja NEI.

Eftir að milljarðatugir ESB hafa fengið að grassera í áróðurmaskínu Samfylkingar ( þar með Jóns Ásgeirs ) munu landsmenn sjá að "þetta er það eina rétta".

Það nægir ekki að Mogginn sé á móti - það nægir ekki að 90% Sjálfstæðisflokksins sé á móti - það nægir ekki að ÍNN sé á móti - það nægir ekki að hluti VG sé á móti - ofbeldiskraftur RÚV - Fréttablaðsins og annara miðla Sf og Jóns Ásgeirs munu heilaþvo nógu marga landsmenn til þess að snúa þessu við - NEMA því aðeins að andstæðingar landsölunnar taki höndum saman og verji landið.

Svo má spyrja - hversvegna - þegar þjóð hefur hafnað aðild að ESB - þarf að kjósa aftur og aftur þar til "viðunandi " ( já) niðurstaða fæst??

Ég heyrði á ÍNN  góða samlíkingu hjá (ef ég man rétt ) Guðlaugu Þór- ef knattspyrnuleikur fer ekki samkvæmt vilja einhverra ráðamanna þá á bara að endurtaka leikinn.

Það er kominn tími til þess að við andstæðingar inngöngunnar stofnum okkar VERJUM ÍSLAND - áður en það verður of seint.

Gætu „tekið Noreg á þetta"

Þjóðkirkjan neitar

Þjóðkirkjan er illu heilli innan ríkisins og ber ranglega nafnið þjóðkirkja -

Núna er þessi stofnun að neita að fara að fyrirmælum ríkisins sem fjármagnar þennan rekstur.

Hvernig væri nú að Sérlegur saksóknari neitaði að fara að fjárlögum og heimtaði meira fé ? Því væri betur komið hjá því embætti en ókristnum biskupi "þjóðkirkjunnar".

Nú svo gæti ríkislögreglustjóri neitað að fara að fyrirmælum ráðherrans -

Hroki kirkjunnar er tilkominn vegna þess útbreidda misskilnings að prestar og kirkjan í heild sinni sé eitthvert fyrirbæri sem sé hafið yfir almenning í landinu. Ef prestur tjáir sig um einhver þjóðfélagsmál á það vera einhver æðri boðskapur.  þessi fáránlega afstaða kemur í veg fyrir eðlilega gagnrýni á orð þessa fólks sem - þegar upp er staðið - er ekkert annað en eiginhagsmunapotarar (með sárafáum undantekningum) breyskir einstaklingar alveg eins og við hin.

Ekkert svigrúm til að hlífa kirkjunni

Fáránlega framsett frétt

Campell sagði við réttarhöldin - þar sem mér skilst að hún sé VITNI - að hún hafi látið aðstoðarmann Mandela hafa demantana daginn eftir og hann hefur staðfest það - sem og að hafa haft þá undir höndum eftir það - allt þar til hann afhenti ( að mig minnir ) lögreglunni demantana.

Samkvæmt þessari frétt mætti halda að Campell væri sakborningur.

Mia Farrow ber vitni í máli Taylors

Hrokafullir spánverjar

Fyrir nokkrum dögum varð ég að leita aðstoðar á Bráðamóttökunni í Fossvogi. Klukkan var um 17. Verið var að sinna mörgum einstaklingum - þar á meðal spænskri konu. Þegar komið var fram yfir miðnætti var konan útskrifuð og ég þar strax á eftir.

Þegar ég kom fram var einn hjúkrunarfræðingurinn í símanum - að leita eftir aðstoð -

Og hversvegna -? jú sá spænski sagðist ekki eiga að greiða eitt eða neitt -

Þarna var konan búin að fá liðsinni frá því fyrir kl 17 og fram hálf eitt um nóttina - og í framhaldinu varð hjúkrunarfræðingurinn að eyða sínum dýrmæta tíma í svona þras- á meðan beið fólk eftir aðhlynningu.

Ég vil taka það fram að allt starfsfólkið var til fyrirmyndar - röggsamt - ákveðið en vingjarnlegt. Öruggt í öllum sínum störfum.

Þannig viljum við hafa það en þetta ágæta fólk á EKKI að þurfa að standa í þrasi  - og skömm sé þessu pari sem þarna niðurlægði sig sjálft.

Eftir að ég hafði greitt mitt fór ég en hjúkrunarfræðingurinn var enn í símanum að leita liðsinnis.

Þakkir mínar til bráðamóttökunnar.

Hringdi til Spánar eftir hjálp

Annar lofar hinn hótar

Björgólfur Thor virðist vera að komast i gang með að gera hreint fyrir sínum dyrum. Samkvæmt yfirlýsingunni ætti að vera um gífurlegar fjárhæðir að ræða.

Ekki ver ég gjörðir hans fram að þessu en hlýt að fagna þessu framtaki -

Hinn "risinn" í hruninu Jón Ásgeir fer hinsvegar aðrar leiðir - hann stingur undan - sýnir þjóðinni hroka og lítilsvirðingu og hótar hinu og þessu ef ekki verði farið að vilja hans -

Seint eða aldrei verður skaðinn af gjörðum þeirra bættur en vissulega er þetta í áttina.

Þarna eru ólíkar aðferðir notaðar og er ólíkt meiri mannsbragur að aðferð Björgólfs.

Allur arður Björgólfs til kröfuhafa

Þjófavarnarkerfi

 

Hversvegna setur fólk ekki þjófavarnarkerfi í bifreiðar - hjólhýsi - mótorhjól - fjórhjól og aðra slíka gripi???

Þau kosta kanski um 60-70.000 í komin - - er það ekki þess virði????

 

 

Öll þjóðin rúmast í ferðavögnum sínum

202 eða 1 - hvað með það ?

Ef ég skil fréttina rétt eru þetta ekki nema 38 milljarðar se ber á milli í þessu máli -

Veit þessi kona sem stýrir skilanefndinni ekki hvað Diet kók kostar ?

Á að hirða allt okkar fé af manninum?

Svo er annað - 940 milljarðarnir frá því hér fyrir stuttu síðan - það væri fróðlegt að fá sundurliðun á þeim pakka öllum -

 

Greiddi þrotabúinu 15 milljónir dollara

Hver er Kristín?

Frænka mín sem heitir Kristín kannast ekkert við að hafa sagt þetta -

Hver er Kristín?

Líf í Lækjargötuna um jólin