Til hamingju með daginn "fréttamenn".

Góður dagur hjá fjölmiðlum - fullt af slysum -

Æði oft hef ég á síðastliðnu ári talað við fjölmiðlafólk og farið fram á það að fjölmiðlar kæmu að forvarnarmálum v. umferðarinnar. Enginn áhugi. Þegar 5 öskrandi bílstjórar mættu á Austurvöll var fjölmiðlaflóran mætt eins og venjulega þegar þeir voru á ferðinni. 01.05.08 var hópkeyrsla bifhjólafólks sem gjarnan er kennd við Snigla farin að venju. 1.200 hjól tóku þátt. Ástæða keyrslunnar er - bifhjólafólk er að koma í auknum mæli á göturnar - vinsamlegast taktu tillit til okkar - annað - við erum að hefja hjólasumar - förum varlega - tilmæli til allra - gerum okkar til þess að allir komist heilir heim í kvöld - öll kvöld.

Enginn fjölmiðill sá ástæðu til þess að gera þessari uppákomu nein viðunandi skil - ekki einn einasti - þrátt fyrir góð orð þar um dagana fyrir keyrsluna.

Fjölmiðlar vilja bara blóð - líkamsparta og dauða sem og uppþot og ofbeldi.

Þetta er sorgleg staðreynd. Því er það að dagurinn í dag hlýtur að vera vinningsdagur hjá "fréttamönnum".

Ólafur I Hrólfsson

Hellisheiði lokuð vegna slysa við Hveradali