Jóhanna til móts við heimilin

Hér enn ein birtingarmynd þeirra 50 úrræða sem Jóhanna og co segjast  hafa gripið til -

Með þessu móti losnar fólk við áhyggjurnar af því að eiga eitthvað- - eignaskattar lækka - fasteignagjöld falla niður - o.fl.

Þetta ásamt öllum skattahækkunum - verðhækkunum og öðrum álögum léttir líka þeim áhyggjum af fólki að það kaup of mikið af mat - fatnaði og öðrum slíkum óhófs neysluvörum.

Niðurfelling niðurgreiðslna lyfja hefur líka í för með sér minni lyfjanotkun sem gæti hæglega orðið til þess að stytta líf fólks með þeim jákvæðu afleiðingum að ekki þarf að greiða viðkomandi eftirlaun eða örorku í eins langan tíma.

Allt stuðlar þetta að bættum hag ríkissjóðs - og það er jú stefnan ekki satt?

Svo hjálpar það verulega upp á sakirnar að koma í veg fyrir atvinnuuppbyggingu - með því móti fer fólk á atvinnuleysisbætur sem um skamman tíma íþyngir ríkissjóði en það er alltaf von til þess að fólk sem alltaf hefur unnið fyrir sér brotni niður og grípi til örþrifaráða - og þá þarf ekki að greiða því neitt heldur.Og eins og áður sagði - þá þarf heldur ekki að greiða því fólki eftirlaun eða önnur laun.

Stanslaus gróði fyrir ríkissjóð

Skjaldborgin stendur - 

Fimmfalt fleiri undir hamarinn

Þingið sitji áfram

Það er óforsvaranlegt að keyra á annað hundrað mál í gegn á þessum tíma - umræða og vinnan öll verður ómarkvissari og óvandaðri fyrir vikið.

Þingmenn eru á launum allt árið - eins og nú stendur á ætti að lengja þingið um 2-4 vikur og vinna málin af yfirvegun - það er fullt af stórum frumvörpum sem bíða afgreiðslu - og önnur minni á líka að klára með lengingu þingtímans.

Hátt í 20 enn á mælendaskrá

Bara hjá Má

Víst er svigrúm til hækkana hjá Má - Trotskyistanum í Seðlabankanum - eða var hann Marx Leninisti  -

Í öllu falli kröfðust hann - Ragnar skjálfti og Birna Þórðar þess að öreigar tækju völdin á sínum tíma - Már hefur svo sannarlega gert það - reyndar er spurning um öreigahugmyndina í dag.

Ekki svigrúm til launahækkana

HÁRRÉTT HJÁ JÓHÖNNU

Ítrekaðar hækkanir á áfengi - tóbaki og bensíni hafa hækkað skuldir heimilanna um allt að 8 milljarða auk þeirrar útgjaldaaukningar sem hækkanirnar hafa haft í för með sér.

Auknar verðhækkanir og álögur af öllum mögulegum og ómögulegum gerðum hafa rýrt kaupgetu almennings.

Með því að standa í vegi fyrir allri uppbyggingu hefur stjórninni tekist að keyra atvinnuleysi upp í áður óþekktar hæðir með óútreiknanlegum hörmungum fyrir heimilin í landinu. Þær hörmungar munu fylgja þeim sem í þeim hafa lent og eiga eftir að lenda langt fram yfir líftíma þessarar stjórnar.

Jóhanna segir að aðgerðirnar séu 50 - má vera - ef allt er talið - virðisaukaskattshækkanir - lækkandi niðurgreiðsla lyfja - niðurfelling á niðurgreiðslu lyfja - skertar greiðslur til ellilífeyrisþega og öryrkja held ég að fjöldinn sé mun meiri.

Er ekki mál að linni???

Hafa komið til móts við skuldavandann