MINNIMÁTTARKENNDIN -

Til hamingju Ármann - frábær árangur -

Mögnuð þessi heift andstæðinga flokksins í garð Gunnars Birgissonar - mannsins sem á sinn stóra þátt í uppbyggingu Kópavogs - uppbyggingu sem spannar R-lista tímann í Reykjavík þegar einstaklingar og fyrirtæki flúðu Reykjavík og Kópavogur tók þeim fagnandi - fólk sem flutti utan af landi og til höfuðborgarsvæðisins fór í Kópavoginn og önnur sveitarfélög á svæðinu - BARA EKKI TIL REYKJAVÍKUR - enda vildi R listinn ekki nýtt fólk og vann að því hörðum höndum að berja fólk og fyrirtæki frá borginni.

Til hamingju Ármann til hamingju Kópavogur - þetta er flottur listi og vonandi tekur Gunnar 3 sætið - hann er baráttujaxl sem er gott að hafa í sínu liði.

Ármann sigraði í prófkjörinu

Athugasemdir

[Doddi (IP-tala skráð) 21.2.2010 kl. 08:48]

Heldur þú virkilega að Gunnar muni una 3. sætinu? Ó nei! Nú mun flokkurinn þinn Ólafur klofna með miklum látum. Gunnar mun bjóða sig fram í sérframboð. Reyndar gleður mig mikið þegar allt hrynur undan stoðum xD, þeir eiga það svo sannarlega skilið, búnir að setja heilt þjóðfélag á hausinn.

[Hallgrímur Egilsson, 21.2.2010 kl. 09:51]

Heiftin snýst um það að loksins þegar raunverulega sést hversu spilltur og siðblindur Gunnar er og að hann iðrast einskis, þá vinna menn gegn honum æa öllum vígstöðvum. Gunnar hefur gert Kópavogi mikið gagn á undanförnum árum, en í komandi kosningum yrði hann bara til trafala fyrir flokkinn.

[Sigurður M Grétarsson, 21.2.2010 kl. 10:10]

Hallgrímur. Við Kópavogsbúar verðum nú lítið varir við það gagn, sem Gunnar hefur gert fyrir bæjinn. Á því kjörtímabili, sem hann hefur verið bæjarstjóri hafa skuldir bæjarins hækkað um 30 milljarða og er Kópavogur nú meðal skuldugustu bæjarfélaga landsins miðað við höfðatölu. Kópavogur skuldar nærri jafn mikið og Reykjavík í krónum talið.

Á þeim þennslutímum, og umframeftirspurn eftir húsnæði, sem einkenndi það tímabil, sem hann var bæjarstjóri var lítið mál að selja lóðir og því er sú uppbygging, sem honum er þökkuð ekkert afrek út af fyrir sig nema ef þú kallar það afrek að valta yfir íbúa nærri þeim stöðum, sem verktakar hafa fengið leyfi til að byggja og troða háum húsum nánast í bakgaðrin hjá þeim. Gunnar hefur ekki leitt þessa uppbyggingu heldur hafa verktakar gert það og Gunnar hefur ekki gert neitt annað en að troða samþykktum á því, sem þeir hafa óskað eftir að gera ofan í kokið á íbúum Kópavogs.

Gunnar Birgisson er það versta, sem hefur komið fyrir Kópavog og vonandi er valdatíma hans nú lokið.

[Ólafur Ingi Hrólfsson, 21.2.2010 kl. 11:17]

Frábært að lesa öfugmælavísurnar ykkar -

Hræðsla ykkar við Gunnar er mögnuð - en eðlileg þar sem maðurinn er hörkuduglegur - framtakssamur og klár fyrir sitt sveitarfélag. Ekki hef ég séð neina dóma yfir honum vegna brota. Sögusagnir og rógburður duga ekki til.

Ekki veit ég hver eignamyndunin hefur verið á móti skuldaaukningu en það væri fróðlegt að sjá það.

það er EKKI lítið mál að undirbúa byggingasvæðin - á því féll R listinn og skaðaði borgina óheyrilega mikið.

Doddi - rétt hjá þér - Sjálfstæðisflokkurinn hefði ekki átt að valda Floridabúum greiðsluvandræðum og að setja Lehmannsbanka á hausinn voru mistök.

Biðst afsökunar á þeim mistökum fyrir hönd flokksins og líka á heimsstyrjöldunum. Við áttum að sjá að þetta myndi ekki falla í góðan jarðveg.

[Sigurður M Grétarsson, 21.2.2010 kl. 14:11]

Ólafur. Ástæða þess að ekki var byggt upp hraðar í Reykjavík var sú að R listinn ákvað að hafa hemil á hraða uppbyggingar vegna þess mikla kostnaðar, sem henni fylgir en ekki vegna þess að það sé eitthvað mál að skipuleggja hverfi.

Það er reyndar svolítið mál ef það á að gera það í samráði við íbúa í nágrenninu og gæta allra sjónarmiða við uppbygginguna. Það er hins vegar lítið mál ef menn einfaldlega böðlast áfram og valta yfir íbúa í nágrenninu eins og Gunnar hefur gert. Það er lítið má að skipuleggja hverfi ef það er aðeins horft á eitt sjónarmið, gróðahagsmuni verktaka eins og Gunnar hefur gert.

Það var ekki Gunnar, sem sýndi dugnað heldur voru það verktakarnir. Þeir komu fram með skipulag, sem Gunnar barði síðan í gegn oft í mikilli andstöðu við íbúa í nágrenninu. Það hefur ekki einu sinni verið haft fyrir því að skipuleggja umferaðæðar þannig að þær geti tekið við aukinni umferð, sem af byggingamagninu stafar. Reyndar var fyrirhuguðum fjölda íbúða í Vesturbæ fækkað eitthvað enda hefði orðið algert umferðaröngþveiti á annatíma ef það hefði allt verið byggt miðað við takmarkaða möguleika á að auka afkastagetu umferðarmannvirkja án þess að leggja veg í fjörunni eða gera göng.

Það hefur orðið sáralítil eignaraukning á móti skuldaraukningu bæjarins. Reyndar á bærinn núna land, sem hann getur ekki selt en verðmæti þess nær lítið upp í skuldaaukninguna. Spillingin í kringum Glaðheimasvæðið þar, sem tveimur milljörðum hið minnsta af skattpeningum Kópavogsbúa var hent út um gluggan að því er virðist til þess eins að hygla ákveðnum eigendum hesthúsa þar er skýrt dæmi um stjórnarhætti, sem við erum núna að fara að losna við. Þarna var greitt að minnsta kosti þrefalt verð fyrir hesthús til að geta byggt á landi, sem Kópavogsbær átti fyrir. Gunnar hefur afsakað sig með því að það hafi þurft að kaupa út leigusamning langt fram í tíman og kenndi þeim um, sem gerðu þann leigusamning í upphafi en það er bara útúrsnúningur í hans stíl því í þeim leigusamningi var akvæði um að Kópavogsbær mætti segja honum upp gegn því að greiða hestamönnunum andvirði mannvirkja á landinu. Hefði sú leið verið farinn hefði kostnaður bæjarisn verið um þriðjungur af því verði, sem hestamönnunum og fjárglæframönnum var greitt fyrir húsin sín. En þá hefðu hins vegar eiginkona og dóttir Gunnars ekki labbað út með tugi milljóna í vasanum umfram verðmæti sinna húsa heldur aðeins með eðlilegt verð fyrir hús sín.

Ég endurtek og stend við það. Gunnar Byrgisson er eitt það versta, sem hefur komið fyrir Kópavog. Við verðum lengi að jafna okkur á þeim skaða, sem hann hefur valdið okkur á valdatíð sinni.

[Ólafur Ingi Hrólfsson, 21.2.2010 kl. 18:36]

Sigurður

þú átt bágt - sem væri svosem ekki svo slæmt nema begna þess hvað þú átt mikið af því.

Það er ekki fyrirhafnarinnar virði að svara þessu en hinsvegar þarf mjög yfirgripsmikla vanþekkingu til þess að komast að þínum "niðurstöðum"