Ekki næg samkeppni - ófagleg vinnubrögð.

OECD telur að ekki sé næg samkeppni á milli þjónustuðila -

Innan annars frábærs kerfis sem hefur aðgang að frábæru starfsfólki eru líka til rotin epli - epli sem í hroka sínum neita að viðurkenna eða starfa með erlendum starfsbræðrum sínum sem á stundum búa yfir mun meiri þjálfun við meðhöndlun einstakra sjúkdóma.

Þetta hefur komið fram m.a. í fréttum Stöðvar 2 um 2 systur sem eru með Goldenhar sjúkdóm.

Þar kom fram að ágreiningur á milli lækna hérlendis og lækna sem starfa við barnaspítalann í Boston er ótrúlegur. Læknarnir úti sem vinna við svona aðstæður allt árið hafa ákveðnar skoðanir á aðgerðaráætlun og meðferð en læknar hér þverskallast við og eru að valda systrunum miklu tjóni og vanlíðan - Síðasta aðgerðin var framkvæmd gegn því sem læknarnir erlendis vildu en þeir voru bundnir af fyrirmælum TR sem aftur fór eftir fyrirmælum læknis hér hafi ég skilið málið rétt.

Sú aðgerð hafði í för með sér afleiðingar sem læknarnir úti óttuðust - það mál er enn ekki til lykta leitt.

Fréttamaður sýndi það lofsverða framtak að hringja í einn aðal lækninn í Boston sem hrakti orð læknanna hér sem og voru bréf að utan til umfjöllunar  -

því miður er þetta mál ekki einsdæmi - en þetta mál er hroðalega ljótt -

Það sem læknarnir hér hafa lagt til málanna upp á síðkastið er að standa í vegi fyrir eðlilegri aðkomu TR við fjármögnun og svo hitt að kæra foreldrana til Barnaverndarnefndar fyrir að leita lækninga fyrir dætur sínar í Boston - Reyndar voru fyrstu ferðirnar farnar að undirlagi og samkvæmt fyrirmælum læknis hér.

Er ekki mál að því linni að örfáir einstaklingar komi óorði á frábæra stétt lækna? Orðið læknamafía er ljótt og meiðandi og á alls ekki við um þessa stétt - aðeins örfáa einstaklinga sem bera ekki gæfu til þess að viðurkenna annmarka sína né heldur að viðurkenna að einhver gæti kennt þeim eitthvað.

 

 

Fjölmennur fundur um heilbrigðismál