Lækkun eða tilfærsla á greiðsluþátttöku?

Í fréttinni segir m.a.

Fall krónunnar er helsta ástæða aukins kostnaðar. Dregið var þó úr lyfjakostnaði með ýmsum sparnaðaraðgerðum, s.s. breytingum á smásöluálagningu, breytingu á greiðsluþátttöku í sumum lyfjum og verðlækkanir vegna verðendurskoðunar Lyfjagreiðslunefndar.

Gert er ráð fyrir að lyfjakostnaður lækki á þessu ári vegna áframhaldandi sparnaðaraðgerða.

-------

Eðli málsins samkvæmt eru það aldraðir og sjúkir sem bera mesta lyfjakostnaðinn.

Lyf sem kostaði 90 ára móður mína rúmar 900 krónur kostar nú 15.000.-

Að sjálfsögðu var farið í það að finna annað lyf sem er ódýrara.

Í fréttinni er tilkynnt að á næsta ári verði haldið áfram að hækka greiðsluþátttöku sjúklinga.

Er þetta allt nauðsynlegt?? Er ríkinu fyrirmunað að fara aðrar leiðir? Minni greiðslur t.d. til bankanna upp á hundruðir milljarða virðast ekki slá neitt á fjárþörf ríkisins. Betri staða en reiknað var með virðist ekki heldur gera það. En um leið og einhver nefnir kostnað er rokið til og álögur hækkaðar einhversstaðar.

Af þeim hundruðum  milljarða sem ríkið slapp við að leggja bönkunum til hefðu 2-3 getað runnið til Landspítalans og kanski bara hálfur í niðurgreiðslu lyfja. Fyrst þetta fé var til - og átti að setja í bankana þá hlýtur það að vera til - þannig að unnt sé að nýta hluta þess til annara verka og þarfa sem snúa að almenningi en ekki bara í að greiða skuldir fjármálasnillinganna sem settu okkur á hausinn.

Sparnaðaraðgerðir lækka lyfjakostnað