Hanna Birna og þau hin -

Það var ekki öfundsvert hlutverk sem fulltrúar Framsóknar-Besta-Samfylkingar-VG og ÓFr. voru í í Silfri Egils. Þar mættu þau yfirburða stjórnmálamanni - leiðtoganum Hönnu Birnu Kristjánsdóttur borgarstjóra og oddvita Sjálfstæðisflokksins í borgarmálum.

Yfirburðir hennar voru slíkir að ég var farinn að vorkenna hinum  sem reyndu (DBE - ÓFr) að koma umræðunni niður á sitt lága plan - VG sem reyndi að marka sér einhverja sérstöðu ( Guð einn veit hversvegna - sérstaðan bitnar á okkur öllum í dag ) Sigurjón bullaði eins og sá sem bullið hefur - og fulltrúi Framsóknar reyndi að gera sig gildandi í umræðunni og vísa til farsæls samstarfs við Sjálfstæðismenn en skorti þekkingu á málunum enda ekkert verið með - en hann lærir ef hann nær kjöri.

Þegar þess þurfti með leiðrétti Hanna Birna missagnir - sló á putta þegar DBE ætlaði með umræðuna niður á sitt plan - svo hældi hún minnihlutanum þegar það átti við -

Hún féll ekki í þá gryfju að vísa í hryðjuverk ríkisstjórnarinnar heldur hélt hún sigvið borgarmálin - ákveðin með allt á hreinu og skýra framtíðarsýn.

Heitar umræður oddvitanna