Önnum kafinn ráðherra - eða hvað??? Er eitthvað annað sem ræður för

Hér á eftir fer samantekt móður sem á 2 veikar dætur - það eina sem hefur gerst í málum þeirra af hálfu ráðuneytisins síðan ???  var þegar Guðlaugur Þór gekkst í það að láta samþykkja neuðsynlegt lyf.

Framhald þess máls er þeim læknum sem að þessu máli komu til vansa en verður ekki rakið hér.

Þess ber að geta að viðmót núverandi Landlæknir er með allt örðum brag en áður var í því ágæta embætti.

Blessuð Öll

Seinustu 3 mánuði hef ég verið að senda út email á alla þingmenn og átt í email samskiptum við heilbrigðisráðuneytið og landlæknisembættið. Því miður þá hef ég ekki einungis verið í sambandi þessa seinustu 3 mánuði heldur meira og minna seinustu 3 árin.

 Í gær var niðurstaðan ljós. Málin eru stopp hjá TR og engin leið fyrir okkur til að fá endurgreiðslu á því sem við eigum rétt á. Engin sem getur ýtt á eða séð til þess að lögunum sé framfylgt.Núna er beðið eftir því að vinnuhópur sé settur á fót en hann verður ekki tilbúin áður en það þarf að taka ákvörðun um sumarið. Sú ákvörðun hefði þurft að vera tekin fyrir mánuði síðan.  „Lausin“ var því. Aflýsa öllu í sumar og bíða eftir að vinnuhópurinn klári sitt starf. Sá valmöguleiki er ekki til staðar.  Við getum ekki sett börnin á klaka og beðið. Það er einmitt ástæðan fyrir því að við höfum greitt fyrir meðferðina seinustu ár í von um að málin leysist bráðlega. Hérna er vandamálið. Þetta eru börn í meðferð. Það er ekki hægt að hætta meðferð eða fresta án þess að það hafi afleiðingar. Eigum við sem sagt að borga hundruðir þúsunda í besta falli í sumar eina ferðina enn til að halda hlutum gangandi. Stelpurnar eru íslenskir ríkisborgarar og sjúkratryggðar á íslandi en fá ekki þjónustu. Gabríella Kamí er búin að bíða í 3 ár eftir úrræðum. Í 3 ár hefur hún ekki getað sinnt skóla vegna höfuðverkja og sjóntruflanna. Hún er með stóran heilagalla sem hún fær hvorki eftirlit eða meðferð við á Íslandi. Því höfum við hjónin borgað fyrir meðferð í Boston. Bæði vegna þess að Boston var staðurinn sem íslensku læknarnir völdu fyrir hana og vegna þess að við gátum greitt fyrir meðferðina sjálf.  Anika Rós er í miðju aðgerðaferli þar sem núna þarf að fjarlægja skrúfur sem TR valdi þvert á vilja læknisins í Boston að setja upp. Lyfjameðferðin sem við höfum greitt fyrir og sótt til Boston hefur gert það að verkum að við fáum aðgerðir í Boston en án hennar er talið að aðgerðir á Aniku séu of áhættumiklar. Í gær báðum við um að TR væri látið endurgreiða reikninga sem við erum með hérna en svörin voru að það er ekki hægt að fara fram á það. Reikningarnir eru upp á 600 þúsund sem við báðum að fá greidda en við erum með reikninga hérna upp á 14-15 milljónir. Eiga stelpurnar sem íslenskir ríkisborgarar þá ekki rétt á neinni læknisþjónustu. Ég spurði um það hvort að virkilega staðan væri sú að ef læknarnir neita meðferð sé ekki fræðilegur möguleiki að fá meðferð. Svarið var það á ekki að vera það en ............. Í vikunni voru réttindi borgaranna til læknisþjónustu til umræðu á Alþingi.Í lögunum stendur eitthvað á þá leið að ALLIR ÍSLENDINGAR EIGI HEIMTINGU Á BESTU FÁANLEGRI LÆKNISÞJÓNUSTU SEM VÖL ER Á HVAR SEM ER. 

Því er meðferðin á þessu máli lögbrot -

--------------Svo mörg voru þau orð - og eru þó fá. 

 

Minna Álfheiði á heilsugæsluna

Athugasemdir

[Ómar Geirsson, 13.5.2010 kl. 20:18]

Blessaður Ólafur.

Þetta er harmur þjóðarinnar í hnotskurn.  Hrokafullir ráðamenn telja sig hafna yfir örlög almennings.  Þeir deila og drottna og ráðskast með fjármuni þjóðarinnar.  Þeir telja sig þess umkomna að greiða milljarða úr landi til að halda frið við mammon og hans dýrkendur, en að gera það sem í þeirra valdi stendur til að styðja fjölskyldu í neyð, það er ekki þeirra verk.

Sjálfsagt ekki nógu fínt.  

Því miður er eina orðið sem kemur upp í hug minn, "skítapakk", skömm þess er mikil.

Kveðja að austan.

[Ólafur Ingi Hrólfsson, 13.5.2010 kl. 22:11]

Þetta er sorgleg staða en því miður eru orð þín sönn - að venju -

Yngri systirin sem er á myndunum er í hættu þar sem það gróf í sárunum eftir að skrúfur voru settar í höfuðkúpuna - þvert á ráð læknanna í Boston . Hin  sem er með blöðru  ( cystu ) í höfðinu hrakar stöðugt. Læknarnir úti vilja fara strax í málið og vildu gera það fyrir löngu. Minnimáttarkenndarlæknar hér heima standa í veginum líka. Telja sig betur í stakk búna til ákvarðana en lækna sem hafa verið og eru að sinna systrunum - að vísu vinna þeir læknar BARA hjá háskólasjúkrahúsi Harward háskóla - sem er sennilega besta sjúkrahús sem til er. Hinir eru við störf hér í Reykjavík.

Og nú á að bíða í fleiri mánuði - mér er til efs að börn ráðamanna hefðu þurft að bíða - né þeir sjálfir. Þetta er til háborinnar skammar.