47% fylgi Sjálfstæðisflokksins í Reykjavík.

Þetta sýnir síðasta skoðanakönnun -

Fólki er orðið ljóst að í borgarstjóratíð Hönnu Birnu var unnið skipulega - af heiðarleika og allir borgarfulltrúar voru í samvinnu um lausn mála.

Nú er öldin önnur -

Því miður virðast margir pólitískir andstæðngar flokksins vilja narr stjórnunarhætti frekar en XD vinnubrögð -

Það er slæmt - en vonandi sýnir þessi könnun það að samstarf með hagsmuni almennings að leiðarljósi er það sem verður að komast upp á yfirborðið - samanber vinnubrögð Hönnu Birnu.

Samstarfssamningur OR frá því í apríl er líka dæmi um uppbyggileg vinnubrögð.

Vonandi snýr ríkisstjórnin við blaðinu og tekur þátt í raunverulegu samstarfi - ekki bara í orði heldur líka á borði.

Gefur ekki rétta mynd

Athugasemdir

[Orri (IP-tala skráð) 11.11.2010 kl. 09:09]

Þetta hlítur að vera grínblogg. Sjálfstæðisflokkurinn mokaði arði útúr Orkuveitunni eingöngu til að fegra bókhaldið. Er fólk virkilega ennþá að falla fyrir sjónhverfingum sjálfstæðisflokksins? Hvernig stendur Orkuveitan núna?

[Ingibjörg Guðrún Magnúsdóttir, 11.11.2010 kl. 09:30]

Ólafur Ingi mikið er ég sammála þér, það var loksins að Hönnu Birnu tókst að koma á lýðræðislegum vinnubrögðum í borgarstjórn með Reykvíkingum, og hvað gerir GEIMVERAN sjálf, jú snýr öllu á hvolf vegna þess að geimverunni er talið trú um að það sé það sem þarf að gera, talið trú um segi ég vegna þess að geimveran hefur líst því yfir að þetta sé allt saman of flókið og mikið fyrir hana og hún nennir þessu ekki...

Ef að Borgarstjóri nennir ekki að kynna sér málefnin áður þá á hann að hafa vit á því að koma sér frá vegna þess að hann er ekki bara að fara illa með eigið mannorð, heldur er hann að koma Reykvíkingum í erfiðari stöðu en þeir þurfa að vera í....

[Ólafur Ingi Hrólfsson, 11.11.2010 kl. 10:44]

Orri - yfirgripsmikil vanþekking þín er aðdáunarverð -

eftir alla þá umræðu sem búin er að vera um tilurð skulda OR hélt ég að aðeins ómálga börn bæru ekki með þetta á hreinu -

Kynntu þér staðreyndir og láttu ekki nokkrun mann sjá svona þvætting frá þér -

Já Ingibjörg - það er sorglegt að þetta narr fyrirbæri skuli hafa komist í þessa aðstöðu - vonandi nær skynsemin yfirhöndinni hjá Degi þannig að læknirinn leysi sjúkann mann undan þessu oki og unnt verði að stjórna borginni á eðlilegann hátt.

Hann getur reynt að kynna sér málin ( narr ) en ég efast um að hann skilji það sem sagt er -

Það var sorgleg upplifun að vera á áhorfendapöllunum á borgarstjórnarfundi um daginn - ömurlegt að sjá einstakling sem situr stól borgarstjóra reyna að tjá sig en opinbera vanþekkingu og getuleysi á öllum sviðum.

[Ólafur Ingi Hrólfsson, 11.11.2010 kl. 11:12]

Orri - þetta er fyrir þig - skrifað í lok ágúst 2010

Ef Sjálfstæðismenn í borgarstjórn hefðu ekki stöðvað kaupin á grunnneti Símans, ,,ókeypis" tengingunum hjá Gagnaveitunni og Sumarbústaðabyggingunum hjá Úlfljótsvatni væri staða fyrirtækisins væntanlega vonlaus.

 

Orkuveitan var stofnuð 1999 af R-listanum

 

Þá var Landsvirkjun tekin út úr fyrirtækinu og færð yfir í borgarsjóð til að fegra stöðu borgarjóðs

 

Arðgreiðslurnar stórhækkaðar í 1.5 milljarð á ári.

 

OR fékk í vöggugjöf frá R-listanum 4 milljarða skuldabréf til að fegra stöðu borgarsjóðs.

  

Eftir að Sjálfstæðiflokkurinn tók við OR einbeitti fyrirtækið sér að kjarnastarfsemi með sérstakri áherslu á umhverfismál. Það þýddi að OR dró sig út úr Hörverksmiðjurekstri, Risarækjueldi, ljósmyndabankarekstri osfrv. en einbeitti sér að umhverfisvænni orkuvinnslu. Farið var í samstarf við háskólana á veitusvæðinu til að stuðla að nýsköpun á þessu sviði og viðhalda þeirri þekkingu sem veitufyrirtækin hafa í umhverfisvænni orkuvinnslu.

 

Auglýsingaherferð OR

Þegar Sjálfstæðisflokkurinn tók við þá var í gangi auglýsingaherferð. Ímyndarauglýsing fyrir OR.  m.a í þeim pakka var 3 mínútna auglýsing í sjónvarpi. Þetta var stöðvað.

 

Þegar R listinn fór frá var hann í samningaviðræðum  við Símann um kaup  á grunnneti Símans. Kaupverðið var áætlað yfir 20 milljarða. Sjálfstæðismenn stöðvuðu það.

 

Úlfljótsvatn

 

                                Komið var í veg fyrir fyrirætlanir R-listans um stórfellda uppbyggingu á sumarbústöðum þar sem OR átti að vera beinn þáttakandi. Áætlanir gerðu ráð fyrir 2-300 bústöðum í kringum allt vatnið. Taka átti svæði af Skátum til að nota undir þetta ævintýri. Sjálfstæðismenn hættu við þetta og sömdu við skátana að þeir hefðu landið til afnota og einnig starfsmannafélagið og MND fékk lóðir fyrir 4 bústaði.

  

 Gagnaveitan

 

Gagnaveitan átti að vera ,,fjórða“ veita OR. Þegar Lína.net fór á hausinn þá var þetta sett inn í OR og það átti að tengja inn í hverja íbúð hvort sem fólk ætlaði í viðskipti eða ekki.  Það sem Sjálfstæðismenn gerðu var að:

 

•         Öll starfsemin var sett í sér félag og þannig aðgreind frá annarri starfsemi OR.

   

•         Hlutverki Gagnaveitunnar var breytt frá tímum Línu.net, frá því að vera í samkeppni við önnur félög á markaðinum yfir í það að vera einungis þjónustufyrirtæki.  Með þessu skapaðist ró um starfsemina, ef frá er talin einstöku pílur frá Símanum/Mílu.

  

•         Fjármagn sem áður var lagt í markaðs- og sölustarfsemi, fer nú í það að styðja við viðskiptavini félagsins (Önnur fjarskiptafyrirtæki).

  

•         Fjárfestingaráætlun var breytt á tvennan hátt.  Annars vegar var hætt að leggja inn í íbúðir hjá öllum og í staðinn er einungis lagðar stofnlagnir að húsum.  Hins vegar var uppbyggingarplani breytt í þá veru að taka fyrst þau svæði, sem er ódýrast að leggja í og einnig þau svæði sem voru með stofnlagnir fyrir. T.d. var uppbyggingu í Grafarvogi frestað og uppbygging í Breiðholti flýtt vegna þessa svo dæmi sé tekið.  Áherslan var þannig að spara eins mikið og hægt væri og flýta fyrir tekjustreymi.

 

  •         Sett var fagleg stjórn yfir fyrirtækið þar sem stjórnarformaðurinn er með margra ára reynslu af sambærilegum rekstri (ath stjórninni í 100 daga meirhlutanum var breytt aftur í pólitíska).  Mikið aðhald með mánaðarlegum fundum að jafnaði.  

•         Gagnaveitan er nú farin að skila hagnaði eftir áralangan taprekstur.  Rekstrarhagnaður 2009 var 166 millj. (482 í EBITDA) Og fyrstu þrír mánuðir 2010 skila 44 milljóna rekstrarhagnaði (132 í EBITDA)

 

Umhverfismál

 

Vistavænir bílar 25. janúar 2010.

 

Samstarf við háskólanna

 

Co2 verkefnið

 

Samstarf á  milli OR, HS, HÍ og Norðuráls um rannsóknir á leiðum til að hefta útblástur til stjóriðju

 

Rannsóknarleyfi vegna virkjana í Brennisteins- og Kerlingarfjöllum dregið til baka.

 

                Útivistarsvæði

  

Styrkir upp á borð stjórnar

Styrkveitingar fóru þannig fram að hringt var í stjórnarformann. Við settum þetta inn í stjórn og stjórnin tók afstöðu til styrkveitinga. Styrkirnir skiptust í:

 

                menningarmál

 

                íþrótta og æskulýðsmála

 

                umhverfis – og  útivistarmála

 

Hækkanir

 

28. nóvember 2006 samþykkt að:

 

Verðbreytingar á heildsöluverði frá Landsvirkjun leiði til hækkunar á smásöluverði Orkuveitu Reykjavíkur í réttum hlutföllum  við kaup Orkuveitu Reykjavíkur af orku frá Landsvirkjun.

 

Verð fyrir dreifingu rafmagns miðist við tekjuramma þann sem Orkustofnun úthlutar á dreifisvæði Orkuveitunnar.

 

Verð fyrir flutning endurspegli gjaldskrá Landsnets fyrir flutning.

 

Verð fyrir eigin framleiðslu Orkuveitu Reykjavíkur verði samkvæmt ákvörðun stjórnar hverju sinni.

 

Mér vitanlega hafa ekki orðið aðrar gjaldskrárhækkanir  síðan. Reikningar Reykvíkinga hafa því lækkað jafnt og þétt sérstaklega á heitu vatni.

--------------------

Þetta er skrifað 28.08.10 - við þekkjum geðveikishækkanirnar sem urðu um daginn.

-----------

R-listinn tók allar þær ákvarðanir sem mynda skuld OR í dag - lánið sem tekið var vegna Hellisheiðarvirkjunar eftir að XD tók við er eingöngu afleiðing fyrri ákvarðana enda ekki hægt að hætta við virkjunina á lokastigi -