120 - 66.

 

 Efast einhver um yfirráð flokkseigendafélagsins = Steingríms?

það vekur athygli hve fáir virðast hafa tekið þátt í flokksráðsfundi VG. Lausleg athugun segir að meira en 120 manns eigi setu- og atkvæðisrétt á fundinum en 66 kusu í atkvæðagreiðslu um heitasta deilumálið - miðað við fréttir á netinu. Þetta er sérstakt í ljósi þess að uppistaðan í hópnum eru ekki bara einhverjir menn úti í bæ, heldur lykilfólk í flokknum, þingmenn, varaþingmenn, sveitarstjórnarmenn, formenn kjördæmisráða og svæðisélaga - að viðbættum 30 sérstaklega kjörnum á landsfundi. Stór hluti er þess vegna atvinnupólitíkusar og hálfatvinnupólitíkusar. Síðan er niðurstaða atkvæðagreiðslunnar auðvitað athyglisverð út frá því að þrátt fyrir að flokkseigendur séu fyrirfram afar sterkir í þessum hópi (vegna uppbyggingar ráðsins) þá vinna þeir sigur aðeins með 38 atkvæðum gegn 28.