Loksins - loksins

En það þurfti pakka allskonar mála til þess að árás á lögreglumann yrði tilefni innisetudóms.

Það er löngu orðið tímabært að dæmt sé í slíkum málum - lögreglumenn eru einhver réttlausasta stétt sem starfar í þessu landi.

Þó barsmíðar - spörk o.fl. dynji á þeim er eins og það dugi árásaraðílunum að segja ææ já ég var íðí - nú eða bara að segja já ok ég gerði það og hvað með það ? - svo er viðkomandi sleppt og sömu lögreglumenn lenda svo í sömu ofbeldismönnunum nokkrum dögum seinna og þessi farsi heldur áfram.

Ætla dómstólar að bíða eftir því að lögreglumaður láti lífið í svona átökum áður en farið verður að verja þá með eðlilegum dómum?

Árs fangelsi fyrir að slá lögreglumann

Athugasemdir

[josef asmundsson (IP-tala skráð) 29.12.2010 kl. 14:55]

Miðað við aðra dóma finnst mér nú þessi dómur ansi harður  miðað við önnur mál-fer að vísu eftir því hversu alvarleg árásin var.Berðu t.d. saman við kynferðisafbrot.Það hafa alltaf verið til viðurlög gegn líkamsárásum.Lögreglumenn eru þar ekkert undanskildir.Það sem mér finnst hins vegar alvarlegt við dómskerfið er að gert er ráð fyrir að ákveðnar stéttir(opinberir starfsmenn) Fá sérmeðferð,sem á ekki að líðast.Það eiga allir að vera undir sama hatti.Vil taka það fram svo það misskilist ekki að ég er alls ekki að mæla með ofbeldi og finnst að taka eigi harðar á þeim.

[Hallur (IP-tala skráð) 29.12.2010 kl. 15:44]

jósef, vona að þú lesir athugasemd mína, kanski ólíklegt því þú last ekki fréttina né bloggið hjá Ólafi.

Dómurinn er ekki svona þungur því lögga var barin heldur vegna þess að maðurinn rauf skilorð.

Hefði alveg eins geta lamið annann krimma.

Engin "sérmeðferð" í gangi hérna eins og þú reynir að halda fram

[Ólafur Ingi Hrólfsson, 30.12.2010 kl. 03:51]

Þessi dómur kemur til vegna þess að ofbeldismaðurinn braut skilorð - hann var með skilorðsbundinn dóm fyrir ofbeldi.

Lögreglumenn vinna við það að gæta öryggis borgaranna þannig að þeir lenda að sjálfsögðu í beinum samskiptum við harðsnúnustu glæpamenn landsins af mörgum þjóðernum.

Stakar árásir á lögreglumenn í starfi eru venjulega afgreiddar með skilorðsdómum - eða bara - hættu þessu -

Lagabálkar virðast ekki duga til þess að dómarar nýti þá - - ekki heldur i kynferðisafbrotamálum -- 

Það endar með því að ekki fæst fólk til starfa í lögreglunni - hvað ætlum við þá að gera ??? 

[josef asmundsson (IP-tala skráð) 30.12.2010 kl. 09:16]

Er sammála þessu með lagabálkana.Kynntist smávegis lagabálkunum gegnum  nám sem ég er í  í háskólanum í RVK.Finnst vera allt of mikið af flækjum í þessum  lögum sem gera það að verkum að dómarar eru látnir um að túlka þau .Held að vinna við lagagerð sé afskaplega léleg hér á landi og þurfi bara einfaldlega meiri fagmennsku.Það er t.d. ekki óalgengt að ekki sé nóg að til séu lög heldur þurfi prófmál til að skera um úr túlkun.

[Ólafur Ingi Hrólfsson, 30.12.2010 kl. 10:34]

Það er ekki bara hér sem þessi - vissulega flókna vinna - kemur svona út - það er undarlegt að sjá fjölskipaðann Hæstarétt ( 7 manns að ég held ) skiptast í tvennt og jafnvel þrennt. Allir dómararni menntaðir frá sama skóla - með sömu kennarana og sömu lögin fyrir framan sig.

Í USA fer það eftir því hvaða lögmann / lögmenn þú færð til þess að vinna fyrir þig hvort þú sleppur eða ekki ( O.J Simpson ) ekki hvort þú ert sekur eða ekki.

Því miður virðist það líka vera hér á landi. Það má bara ekki tala um það.