"Mannréttindaráð"???? KRISTINFRÆÐIFRÆÐSLUNA ÁFRAM Í SKÓLUM

Fámennur hópur sem er ekki Kristinnar trúar - ( að mér skilst innan við 30 manns) gerði kröfu um þessar breytingar.

Það ríkir Kristin trú í þessu landi - inn í þetta land höfum við hleypt vanþakklátu liði sem vill að við tökum upp þeirra trú - þeirra siði - þeirra aðferðir. 

Það er kominn tími til að þessi þjóð vakni - berji í borðið og segi NEI - Hvorki núverandi meirihluti borgarstjórnar né nokkrir aðrir aðilar eiga að komast upp með það að berja niður trúfræðslu í skólum né annarsstaðar. Vilji þetta fólk ekki að þeirra börn fá þessa fræðslu er leikur einn að hafa ofan af fyrir þeim með öðrum hætti á meðan.

 KRISTINFRÆÐIFRÆÐSLUNA ÁFRAM Í SKÓLUM (HELST AÐ AUKA HANA ) OG ENGA EFTIRGJÖF.

ÞAÐ ERU OKKAR MANNRÉTTINDI OG HLUTI ÞEIRRA MANNRÉTTINDA SEM VIÐ KREFJUMST ÆTTINGJUM OKKAR TIL HANDA.

Kanni heimildir mannréttindaráðs

Athugasemdir

[Tinna Gunnarsdóttir Gígja, 14.1.2011 kl. 12:17]

Og við sem erum innfæddir Íslendingar? Megum við náðarsamlegast vera á landinu "þínu" áfram, eða eigum við líka að drulla okkur úr landi ef við erum ekki kristin?

Það er heldur enginn að tala um að banna kristnifræðslu, heldur trúboð. Þekkirðu muninn?

[Magnús V. Skúlason, 14.1.2011 kl. 13:08]

Ég efast stórlega um það, Tinna, að þú þekkir muninn á trúfræðslu og trúboði ... það er í eðli sínu ekki trúboð ef verið er að tala um Guð og Biblíuna við börn sem eru skírð og skráð í kristið trúfélag!

[Ólafur Ingi Hrólfsson, 14.1.2011 kl. 14:30]

Tinna - svona orðbragð ætti - vonandi - ekki að vera þér samboðið en þú um það - allir velkomnir en ekki með því fororði að við breytum skóla eða trúfræðsluvenfum okkar.

Magnús - þakka þér - stöndum saman gegn því að trúfræðslan verði fótum troðin - við viljum líka umferðarfræðslu í skólum - miðað við hægri umferð  - jafnvel þótt einn og einn breti slæðist hingað.

[Hans Miniar Jónsson., 14.1.2011 kl. 15:27]

Hvað með heiðin, óskírð börn íslendinga í fimm ættliði?

Á að þvinga þau til að biðja bænir með hinum börnunum? Eða á að setja þau til hliðar einhversstaðar ein?

Það er trúboð að boða þau skilaboð að einhver trú er réttari en önnur, og trúarinnræting að láta börn stunda trúarathafnir (sem er hluti af trúboði), það er kennsla að kenna um tilvist sem og skilaboðum trúar.

Það vill enginn banna kennsluna, og í raun vill enginn banna innrætinguna né trúboðið heldur, þannig séð. Það sem fólk vill sjá er að skólinn sé staðurinn fyrir kennsluna.

Ef þú villt boða eða innræta trú með þínum börnum máttu alveg gera það utan kennslutímanna.

[DoctorE (IP-tala skráð) 14.1.2011 kl. 23:30]

Alltaf sami leiðindar yfirgagnurinn i trúfólki... Hvernig er það, nennið þið ekki að forrita börnin ykkar sjálf?

Þú hljómar nákvæmlega eins og öfgamúslími í saudi.. ALLIR AÐ DÝRKA MUMMA MEINHORN.. vegna þess að meirihlutinn vill það.

Þú veist vonandi að kristni eru þau trúarbrögð sem fara fyrst, það er flótti úr kristni um allan heim

[Ólafur Ingi Hrólfsson, 15.1.2011 kl. 08:28]

Útúrsnúningar gera framsetningu ekki trúverðuga. - Það eina sem krafan snýst um er að þessi fræðsla verði framkvæmd hér eftir sem hingað til - það er annars magnað hvað fólk sem ekki er Kristið fuðrar upp ef Kristin trú er til umræðu. Mér er hjartanlega sama þótt fólk stundi aðra trú. Bara alls ekki mitt mál og gangi því bara sem allra best. En á meðan skólarnir eru reknir fyrir almannafé í Kristnu landi og Kristið fólk greiðir hátt í 100% af kostnaðinum þá tel ég einsýnt að þessari fræðslu verði haldið áfram.

Ef einhver börn "eru sett til hliðar" þá er það vegna ákvörðunar foreldra og ber að virða það - fræðsla um þeirra trú gæti farið fram á sama tíma - nú eða ekki.

DoctorE hefur sinn átrúnað - hans mál - heiðið fólk stundar sinn átrúnað -

[Tinna Gunnarsdóttir Gígja, 16.1.2011 kl. 10:28]

Borga kristnir nálægt 100% af öllum sköttum í landinu, Ólafur? Ertu með heimildir fyrir þessu?

27.525 manns eldri en 18 ára eru skráðir í önnur trúfélög en kristin eða utan trúfélaga. Það eru um 11% fullorðinna einstaklinga. Borgum við ekki skatt? Eða fer hann í eitthvað annað? 

Og hversu margir af þessum kristnu eru í raun ekki kristnir nema svo langt se trúfélagaskráningin nær? Og hversu margir hafa aðra túlkun á trúnni en kennd er í skólum? 

Og hvers vegna getur fólk ekki séð um að rækta trúna sjálft með börnunum? Hvers vegna þarf skólinn að gera það? Ef þetta er ykkur svona mikilvægt, viljið þið þá treysta einhverjum kennara til að kenna barninu rétta "sannleikann" um Jesú? Hvað ef viðkomandi kennari er strangtrúaður sjöunda dag aðventisti, krossari, eða elds-og-brennisteins-fókusaður kaþólikki?

Hvað ef hann er alls ekkert trúaður og segir börnunum ykkar hreint út að Biblían sé skáldsaga og kjaftæði? Ef kennari má segja börnum trúleysingja að Biblían sé heilagur sannleikur, hlýtur trúlaus kennari eins að mega segja barni kristinna foreldra að hún sé bull, ekki satt?

Auðvitað væri hægt að leysa þetta á einfaldan hátt með því að hafa skólann fyrir fræðslu og láta foreldra sjálfa sjá um trúarlega innrætingu barnanna (ef kristnir þykjast ekki geta frætt barnið sitt um það sem þeir vilja meina að sé það merkilegasta í heimi, þá er hægt að senda þau í sunnudagaskóla) ... en það er víst of erfitt fyrir ykkur.

[Ólafur Ingi Hrólfsson, 18.1.2011 kl. 10:19]

Gott og vel -

Stærsti hluti þjóðarinnar ( þó ekki ég ) er í þjóðkirkjunni - flest okkar hinna erum í Kristnum söfnuðum - nokkrir eru Búddista - Ásatrúar o.fl. en eftir stendur að yfirgnæfandi meirihluti er í Kristnum söfnuðum og greiðir sín gjöld með einum eða öðrum hætti.

Þar af leiðir - Kristnir greiða meginþorra kostnaðar við skólana.

Spurningum þínum  - hvað ef - en ef - o.fl. læt ég þig um að finna svör við - þau verða hvert sem er ekkert annað en ágiskanir - - hvað varðar áreiðanleika Biblíunnar þá er nú reyndar sú staðreynd á borðinu að æði margar vísindakenningar hafa ekki á bakvið sig nema smá brot af þeim fjölda sem er á bakvið bækur Biblíunnar.

Æði mörg börn fara í sunnudagaskóla og foreldrarni telja það ekkert erfitt - skætingur þínn er hinsvegar þinn - og hæfir málflutningi þínum.

[Halldór L. (IP-tala skráð) 19.1.2011 kl. 18:25]

S.s. bara vegna þess að meirihluti landsmanna var skráður við fæðingu (að þeim óspurðum) í eitthvert trúfélag þá má það trúfélag valsa um skóla landsins með trúboði og yfirgangi.

 >Fámennur hópur sem er ekki Kristinnar trúar - ( að mér skilst innan við 30 manns) gerði kröfu um þessar breytingar.

Það ríkir Kristin trú í þessu landi - inn í þetta land höfum við hleypt vanþakklátu liði sem vill að við tökum upp þeirra trú - þeirra siði - þeirra aðferðir. 

Ertu að segja að ég sé ekki innfæddur og uppalinn íslendingur? Ertu að meina að ekki sé hægt að breyta um trúarskoðanir, að allir hljóti að vera kristnir vegna þess að hér ríkir ríkiskirkju skipan.Og hvaðan hefurðu það að þetta "lið" vilji neyða sína trú/trúleysi yfir kristna?

>Hvorki núverandi meirihluti borgarstjórnar né nokkrir aðrir aðilar eiga að komast upp með það að berja niður trúfræðslu í skólum né annarsstaðar.

Enda hafa þeir ekkert verið að því. Að halda því fram að leggja eigi niður kristinfræðslu er versta bölvaða LYGI. Eða hefurðu kannski ekki kynnt þér málið?

Og skiptir virkilega máli hversu margir kvarti undan trúboði, líkt og Árni Svanur Daníelsson, ríkisprestur, benti á þá "skiptir fjöldinn ekki máli".

Auka kristinfræðslu? Það er alveg feikinóg af henni, ekki nema stikklað í stórum dráttum á öðrum trúarbrögðum fyrr en rétt í 9. bekk, og ekki minnst þar á að hægt sé að vera trúlaus.

[Ólafur Ingi Hrólfsson, 19.1.2011 kl. 20:25]

Halldór - vonandi kemst þú uppúr 9. bekk -

Magnað hve þið sem eruð ekki Kristin hafið sterka andúð á Kristni og Kristnu fólki og því sem okkur fylgir.

Mér er slétt sama hvernig þú kemur til með að kenna þínum börnum trúarbragðafræði - mér er líka slétt sama hvort þú ert trúaður - trúlaus - Ásatrúar - Búddisti eð Múslimi.

Ég geri þá kröfu að börn Kristinns foreldra fá sína fræðslu um trúna - ef þau seinna meir vilja fara aðrar leiðir þá þau um það. Þeirra val.

Ég vil líka að þau fari eftir umferðarreglum - tel það vera þeim fyrir bestu - fari þau aðrar leiðir þegar fram í sækir taka þau afleiðingunum af því.

Ég hef kynnt mér málið og þurfti ekki orðbragð eins og þú notar til þess - og það var heldur ekki notað af þeim sem fræddu mig um stöðu málsins.

[Halldór L. (IP-tala skráð) 19.1.2011 kl. 20:33]

>Magnað hve þið sem eruð ekki Kristin hafið sterka andúð á Kristni og Kristnu fólki og því sem okkur fylgir.

Miðað við það sem stendur í helgiritum þá er það skiljanlegt.

>Ég geri þá kröfu að börn Kristinns foreldra fá sína fræðslu um trúna - ef þau seinna meir vilja fara aðrar leiðir þá þau um það. Þeirra val.

Já, og þau fá fræðslu. Kristinfræðsla er í námsskránni. Þau fá einnig fræðslu um önnur trúarbrögð (á þeim aldri þegar dómgreindar þroski fer á fullt).

Hvers konar orðbragð ertu að saka mig um? Þú virðist alls ekki hafa kynnt þér hvað mannréttindaráð vildi, þar sem þú virðist saka þau um að vilja taka kristinfræðslu úr skólum. Svo hvort er það lygi hjá þér eða fáfræði?

[Tinna Gunnarsdóttir Gígja, 19.1.2011 kl. 20:35]

Það er enginn að banna börnum kristinna foreldra að njóta fræðslu um kristna trú, Ólafur. Hversu oft þarf að endurtaka það til að þú skiljir þetta!?

Í fyrsta lagi verður trúarbragðafræðsla áfram í skólum og þar verður, sem fyrr, lögð mest áhersla á kristnina, þar sem meirihluti landsmanna hefur verið og er víst enn kristinn.

Finnist kristnum foreldrum þetta ekki nóg, stendur þeim auk þess til boða að senda börnin í Sunnudagaskólann, skrá þau í æskulýðsstarf einhvers trúfélags, senda þau til KFUM&K eða í kristilegar sumarbúðir. Þar að auki geta þeir frætt börnin sín sjálfir, rétt eins og þeir þurfa að fræða þau um pólitískar skoðanir og annað sem ekki er innprentað í skólum landsins, og rétt eins og ókristnir foreldrar hafa þurft að gera í langan tíma.  

Er þetta ekki nóg? Er ekki nóg að börnin fái góða grunnfræðslu um innihald helstu trúarbragða - með sérstaka áherslu á kristni - án þess að þeim sé innrætt að eitthvað eitt þeirra sé heilagur sannleikur og án þess að skilja hin börnin útundan?

[Halldór L. (IP-tala skráð) 20.1.2011 kl. 07:46]

>Stærsti hluti þjóðarinnar ( þó ekki ég ) er í þjóðkirkjunni - flest okkar hinna erum í Kristnum söfnuðum - nokkrir eru Búddista - Ásatrúar o.fl. en eftir stendur að yfirgnæfandi meirihluti er í Kristnum söfnuðum og greiðir sín gjöld með einum eða öðrum hætti.

Þar af leiðir - Kristnir greiða meginþorra kostnaðar við skólana.

En vissirðu að trúlausir (lesist sem þeir sem standa utan trúfélaga) borga meiri skatt en þeir sem eru í trúfélögum? Hlutfallslega, þá borga trúlausir meira en trúaðir. Réttlætir það "and-trúboð" þar sem trúarbrögð eru hrakin? Nei. Það skiptir einfaldlega ekki máli í þeim skilningi (varstu að reyna að segja að kristnir geti keypt sig inn í almenningsskóla?), trúboð er (líkt og mannréttindaráð reynir að benda á en fólk er gjarnt á að ljúga um) ranglátt og ljótt, sérstaklega þegar ung börn eiga í hlut.

>vonandi kemst þú uppúr 9. bekk -

Varstu að reyna að fiska eitthvað leiðinlegt svar hjá mér og búa til hliðarumræðu fjarri málefninu með því að gefa eitthvað misjafnt í skyn um menntun mína/gáfnafar? Ef svo væri málið væri það gífurlega þroskað.

[Halldór L. (IP-tala skráð) 20.1.2011 kl. 18:42]

En viltu svara því hvort þú hafir logið til um;

a) Að kristinfræðsla sé bönnuð af mannréttindaráði

b) Að þú hafir kynnt þér tillögur mannréttindaráðs

c) Allir ofantaldir möguleikar

?

[Halldór L. (IP-tala skráð) 21.1.2011 kl. 21:47]

Þú hefur ekki útskýrt lélegan málflutning þinn. Afhverju ekki? Jú, því að hann er tómt þvaður og þú veist það vel en vilt ekki viðurkenna.

Vinsamlegast hættu núna strax að vera svona mikill hræsnari og biðstu fyrirgefningar, líkt og Kristur á að hafa kennt, á þessum lygaburði.

Muntu gera það? Efa það, enda hafa fæstir kristnir sem tjáðu sig stórlega um mannréttindaráð svarað neinni gagnrýni.