Hvaða sýning ætli það sé? Heimshagsmunir.

4.10.2010 | 07:17

Stjórnvöld í Bandaríkjunum hafa sent frá sér formlega viðvörun til Bandaríkjamanna sem ferðast til Evrópu, vegna hættu á hryðjuverkum frá al-Qaeda. Í tilkynningunni eru ferðamenn beðnir um að sýna sérstaka varlega á fjölmennum ferðamannastöðum.

Í tilkynningunni er ekkert sérstakt land nefnt á nafn og viðvörunin nær því til Evrópu almennt.

Leyniþjónustur landanna telja sig búa yfir upplýsingum um að al-Qaeda hafi ákveðið að senda byssumenn til Evrópu með það að markmiði að drepa Vesturlandamenn á fjölförnum stöðum.

Er það ekki viðvarandi að þessi samtök myrði Vesturlandabúa - ?

Að koma til Evrópu í þeim tilgangi - er það frétt?

Til hvers að vekja ótta fólks með svona yfirlýsingu - væri ekki nær að uSA geri þá eitthvað í því að stöðva þessi samtök ? Það eru jú bandaríkjamenn sem hafa kallað yfir sig allskonar uppákomur frá þessum samtökum og því miður dregið aðrar þjóðir með sér.

- Myrða þeir hesta, fólk og fé - svo freyðir grimmdin úr opnum ginum - segir í vísukorni - og allt er þetta gert til þess að vernda bandaríska hagsmuni. - út um allan heim -

Það hljóta að vera margvíslegir hagsmunir. Sem reyndar fækkaði þegar herstöðin hér var lögð niður - þá þjónaði það ekki hagsmunum þeirra að viðhalda sæmilegum tengslum við Ísland.