Í FANGELSI MEÐ SKRÍLINN

13.1.2009 | 11:57

Nú er miklu meira en nóg komið - hvaða réttindi eru það sem þessi skríll sem slæst við lögreglu - hindrar að ráðherrar komist til starfa sinna - hefur sem gerir það að verkum að lögreglan fer ekki út í fjöldahanstökur. Löglega kjörið þing situr að störfum - þetta fólk - bæði í minni og meirihluta er í vinnu hjá okkur og á að fá vinnufrið. ÞAÐ ER LÁGMARKSKRAFA AÐ ÖRYGGI ÞESSA FÓLKS SÉ GÆTT - ÞAÐ HEFUR ENGINN KOSIÐ GLÆPALÝÐINN SEM ER BÚINN AÐ LEGGJA BORGINA UNDIR SIG AFTUR OG AFTUR UNDANFARNAR VIKUR. Árás á lögreglu hélt ég líka að varðaði við lög - hversvegna ná lög ekki yfir þennan glæpalýð?

Krafan er sú að þssi sori verði hreinsaður í burtu

Ólafur I Hrólfsson

	Tveir mótmælendur handteknir
Ábyrgðarmaður færslu Tilkynna um óviðeigandi tengingu við frétt

Flokkur: Dægurmál | Facebook

Athugasemdir

Heyrðu...ég ætla bara að áminna þig um það hvað og hverja þú kallar sora góði minn

Þó að þú sért ósammála aðferðunum þá kallar þú ekki dóttir mína sora og kemst upp með það án tiltals

Heiða B. Heiðars, 13.1.2009 kl. 12:09

Djöfullinn heldur þú eiginlega að þú sért að kalla fólk SORA????

Hvað er að þér???

Heiða B. Heiðars, 13.1.2009 kl. 12:09

Ólafur: Hvað viltu í staðinn? Enn einn tuðfundinn fyrir framan Alþingishúsið? Við erum búin að reyna að mótmæla friðsamlega, það er búið að reyna lýðræðislegu leiðina, hún virkar ekki vegna þess að stjórnvöld einfaldlega hunsa okkur öll, hvort sem við erum grímuklædd eða ekki.

Sá sori sem þarf að henda í steininn er sá sori sem gerir þessar aðferðir nauðsynlegar. Þetta mun bara harðna þar til yfirvöld bregðast við kröfum þjóðarinnar allrar. Ef þú hefur meiri áhyggjur af smávægilegu eignatjóni heldur en stjórn landsins, þá mátt þú með fullri virðingu herra minn, hoppa upp í óæðri endann á þér.

Helgi Hrafn Gunnarsson (IP-tala skráð) 13.1.2009 kl. 12:16

Mikið væri nú ágætt ef kjánar eins og Grétar Eir (líklega fæddur 1989) sem skrifa svona texta;

Ólafur Ingi Hrólfsson á ég að segja þér svolítið ég er bara lítið Skrílin og hlít þar með að vera sori !!!! og ég vona að þó þorir að fara og MÓTTMÆLA MÉR eins og maður, í stað þess að sittja bara vitlaus, vitandi ekki neitt og gelta upp í loftið !!!

dunduðu sér nú áfram í skóla þar til þeir geta stafsett og skrifað óbjálaðan texta.

Hvumpinn, 13.1.2009 kl. 12:31

Ég held að það sé ráðlegra að stinga mönnum einsog þér í steininn Ólafur. Mönnum sem reyna að hlífa þessum glæpamönnum sem hafa arðrænt Ísland og ríghalda í völdin þótt augljóst sé að þjóðin öskrar á kosningar!

Halli (IP-tala skráð) 13.1.2009 kl. 12:45

Greyið stuttbuxar eins og Ólafur að þurfa að horfa upp á hetjurnar sínar í ráðherrastólum er þær sitja í drossíum sínum og komast ekki á kjaftablaðursfund. Svei þeim unga illa soralýð að tefja heilaga stjórn um fáeinar mínútur.

Svo nöldra menn um myndavélar en grjóthalda kjafti um óráðssíu stjórnarinnar og aurapúka bankanna, þar er eflaust um að ræða fjárhæðir sem nægðu fyrir fleiri hundruð þúsundum myndavéla, eða milljónum lítra af hreinsilegi fyrir hvíta veggi stjórnarráðsins...

Gísli Friðrik Ágústsson (IP-tala skráð) 13.1.2009 kl. 13:40

mikið er ég gersamlega sammá höfundi þessa bloggs..það á að vaða þarna inn með gas og kylfur á lofti handtaka þennan andsk skríl sem er búinn að að koma þjóðinni í skuldafangelsi framí fjórtánda ættlið og loka inni í moldarkofafangelsi uppá úldið vatn og mölétna hafra...maður getur ekki lengur gengið til vinnu sem heiðarlegur maður án þess að vera áreittur af sveittum og samviskulausum innheimtumönnum sem rukka hærri vexi en okurlánarar sem hafa samt meiri sómatilfinningu í sínum beinum en þessi skríll á þingi...alveg sammála þér...Í FANGELSI MEÐ ÞENNAN SKRÍL!!

Sigurður H (IP-tala skráð) 13.1.2009 kl. 14:40

Heiða - það skiptir engu máli hverra börn það eru sem haga sér með þessum hætti - dóttir þín hefur engin forréttindi hér og það gilda sömu lög fyrir hana og okkur hin. Hvað varðar það að kalla hana einhverjum nöfnum ásamt hinum soranum þá skaltu athuga hvaða orð þau hafa viðhaft um ráðamenn þjóðarinnar sem leggja dag og nótt við að reyna að bæta fyrir það tjón sem fámennur hópur útrásarvesalinga er búinn að valda þjóðinni - þú áminntir mig - ÉG ÁMINNI þig fyrir það að hafa ekki kennt dóttur þinni virðingu fyrir lögum og reglu. Svei þér -

Gísli Friðrik - ekki veit ég hver þú ert og er nokk sama - hef reyndar þá trú að þú hafir ekki þurft að hafa jafn mikið fyrir lífinu og ég - það hvarflar ekki að mér að kvarta en það er sárt að sjá ungt fólk sem flest hefur fengið allt upp í hendurnar ganga um eyðleggjandi hluti og ráðast á fólk.

Kanski hafið þið það alltof gott - kanski er þessi tími skólinn sem ykkur vantaði - við þessi eldri höfum farið é gegnum þá nokkra - óðaverðbólgu vinstri manna aftur og aftur - allt upp í 130% - 50% launaskerðingu á rúmum 4 árum undir stjórn vinstri manna í stjórninni sem sat frá sumri 1978 til sumarsins 1983. Það var á þeim tíma sem það kostaði mann vinnuna að mótmæla í fyrirtækjum enda þótt það sannaðist að fyrirtækið væri að hlunnfara starfsmenn - því skal þó ekki gleymt að áður en sparkið kom var beitt launalækkandi refsingum innan fyrirtækisins - ráðherrar og forsvarsmenn - Ólafur Ragnar Grímsson forseti - Svavar Gestsson sendiherra - Ragnar Arnalds (veit ekki hvað hann gerir) Svavar var líka ef ég man rétt í formennsku Alþýðubandalagsins. Stuttbuxna .. sá sem var sendur í sveit sem krakki og látinn vinna þar frá 9 ára (og er óendanlega þakklátur fyrir það) og í framhaldinu í frystihúsi - i síldinni - sem póstur - í skipavinnu, byggingarvinnu og hverju sem gat gefið tekjur - er varla hægt að kalla stuttbuxna .. neitt skv. þeirri hugsun sem þú leggur í það hugtak.

Halli - ég bara vissi ekki að ríkisstjórnin okkar hefði sett Lehmannsbanka á haysinn. Ég vissi ekki heldur að ráðherrarnir hefðu stjórnað bönkunum eða Baugi nú eða FL group. Fyrirgefðu þessa fáfræði mína.

Helgi Hrafn - það sem mig langar til að sjá er eftirfarandi - ríkisskattstjóri - skattrannsóknarstjóri og nefndin sem sett var á laggirnar hraði verki sínu sem mest má verða - þegar niðurstaða þeirra liggur fyrir á að kæra alla þá sem verða taldir brotlegir - fram að þeim tíma vildi ég sjá frystingu "eigna þeirra" og ef með þarf afturvirkni laga þá sé ég ekki betur en uppi sé svo einstakt ástand vegna framtaks þessara aðila að það réttlæti afturvirkni.

Leyfum stjórnvöldum að vinna vinnuna sína - því betri frið sem þau hafa því fyrr fáum við niðurstöður í málin.

Grétar - kanski er þetta allt okkar kynslóð að kenna sem hefur lagt allt upp í hendurnar á næstu kynslóð.

Ólafur I Hrólfsson

Það er ekkert í stöðunni sem réttlætir ofbeldi - ofbeldi leiðir bara af sér ofbeldi.

Ólafur I hrólfsson (IP-tala skráð) 13.1.2009 kl. 15:29

þótt augljóst sé að þjóðin öskrar á kosningar!

Get ekki sagt að það sé augljóst að þjóðin öskri á kosningar þó að örfáir einstaklingar eru með skrílslæti og skemma hluti sem við þurfum síðan að borga fyrir sjálf á endanum.

Ég spyr bara, hver á að taka við í kosningum, fyrir mínar sakir þá er það sem er í boði ekkert betra, og ef ég nota sömu aðferðir og þið, þá hlýtur þjóðin að vera öskra á að það séu ekki kosningar.

Halldór (IP-tala skráð) 13.1.2009 kl. 15:45

Ekki langar mig að básúna á götum um það hvor átti það erfiðara, ég eða þú en sumt verð ég að leiðrétta. Eflaust mætti kalla það í dag mörk fátæktar sem fjölskylda mín gekk stundum í gegnum þegar ég var lítill en við redduðum okkur, náðum að fæða okkur og klæða en allt annað var bruðl.

Gísli Friðrik Ágústsson (IP-tala skráð) 13.1.2009 kl. 15:49

Svona þér til fróðleiks þá hefur það komið í ljós að eftirlitsmyndavélin sem dóttir mín átti að hafa brotið var brotin áður en mótmælin byrjuðu ;)

Þú ert vægast sagt kjánalegur

Heiða B. Heiðars, 13.1.2009 kl. 16:22

Og Hvumpinn......... Hvað er "óbjálaður" texti??

Þar sem þú ert sjálfskipuð stafsetningalögga hérna væri kannski eðlileg krafa að þú hunskaðist til að skrifa rétt....

Heiða B. Heiðars, 13.1.2009 kl. 17:08

Ólafur mér blöskrar! Eitt er víst ef þú vogaðir þér að kalla mína dóttir sora þá myndi ég ekki bara átelja það ég færi með það lengra.

Ég spyr mig líka hvað sé rétt og hvað ekki í þeim deilum sem snúa að þeim samtökum sem þú ert varaformaður í eftir að lesa svona fordóma og hroka.

Eitt er að hafa skoðanir annað er að úthrópa fólk með níð.

Rannveig H, 13.1.2009 kl. 17:29

Gísli Friðrik - skv. þessu ættir þú að bera virðingu fyrir verðmætum. Þetta með bruðlið skil ég - ólst upp við þetta sjálfur. Ég var sko ekki að kvarta - það sem ég sagði eða var að reyna að segja var það að eftir að hafa unnið margvísleg störf tel ég mig bara vera þokkalega vel að mér í íslensku samfélagi - og er þakklátur fyrir það.

Heiða - ég vissi ekkert um það að dóttir þún hefði verið ásökuð um það að brjóta einhverja myndavél. En þú hlýtur sem heilbrigður einstaklingur að virðurkenna að það að ráðast að ráðamönnum þjóðarinnar með þessum hætti er ekki í lagi. Þetta er yndislegt fólk sem leggur allt í það að lagfæra það sem útrásarliðið hefur fært úr lagi. Er þá ekki betra að taka þátt í því að fá allt upp á borðið - láta til þess bæra dómstóla kveða upp dóma frekar en að dómstóll götunnar dæmi þá sem eru að gera sitt til þess að laga til. Vissulega reiddist ég í morgun - þetta fólk er vinir mínir og ég þekki það sem þau eru að ganga í gegnum. Vissulega ´notaði ég stór orð og efast ekkert um það að dóttir þín sé yndisleg stúlka. Þú reiddist líka orðum mínum. Eðlilega. Ég bið þig og hana afsökunar á stóryrðum sem ég let frá mér fara. Veit líka að þú skilur það að ef á vinu manns er ráðist þá kemur það illa við mann.

Og ég bið þig að skila kveðju til dóttur þinnar.

Ólafur I Hrólfsson

Ólafur Ingi Hrólfsson, 13.1.2009 kl. 19:02

Ég vil sérstaklega hrósa þessum mótmælendum fyrir að hafa sínt ótrúlega stillingu. Það hefur einkennt viðbrögð Íslendinga við þessarri kreppu alveg ótrúrlegt æðruleysi og þessi mótmæli voru engin undantekning. Slíkt er ekki sjálfsagt og ég vil sérstaklega benda fólki á að taka eftir því hvað vel hefur gengið að koma í veg fyrir að samfélagið okkar liðaðist í sundur sem vel hefði getað gerst. Að reyna að hyndra störf ríkisstjórnarinnar þvert á tilmæli lögreglu er ekki löglegt en mótmælendur voru tilbúnir að brjóta slík lög og taka þeirri refsingu sem slíku fylgir til þess að hafa áhrif á ríkisstjórnina og á almenning í þessu landi.

Héðinn Björnsson, 13.1.2009 kl. 19:39

Mér finnst þú stór með þig að kalla fólk nöfnum góði. Ég veit að þú ert í stjórn Snígla bifhjólasamtaga lýðveldisn og þú kemur fram með svona, maður í þinni stöðu.

Pabbi er snígill og ég spurði hann að þessu og hann er allt annað en sáttur við svona umtal frá stjórnarmanni í sníglunum.

Þú vonadni ert að misskila og biður hlutðaeigandi fólk sem þú drullar yfir héddna afsögunnar gerir þér grein fyrir að ekki allir sníglar deila þínum skoðunnum.

Árni Páll (IP-tala skráð) 13.1.2009 kl. 19:45

Árni Páll - ég á líf fyrir utan Snigla líka. Ég tjáði mig EKKI í nafni Snigla heldur undir mínu eigin nafni.

Ef þú hefðir lesið það sem stendur fyrir ofan það sem þú skrifaðir þá hefðir þú séð að ég var búinn að gera það sem þú varst að tala um. Ég er hinsvegar ekkert hress með það að þið blandið Sniglum inn í þessa umræðu þetta kemur Sniglum ekkert við. Ef þið viljið skammast eitthvað frekar þætti mér vænt um að þið beinduð því að mér persónulega. Ekki Bifhjólasamtökunum. Stjórnarseta mín þar hefur hvergi komið fram nema frá ykkur feðgum og spurning hversvegna það var gert. Reyndar veit ég ekkert hverjir þið eruð.

Ólafur I Hrólfsson

Ólafur I Hrólfsson (IP-tala skráð) 13.1.2009 kl. 20:23

Ólafur; afsökunarbeiðnin móttekin og málið dautt.

Það getur vel verið að þetta sé "yndislegt fólk" svona manneskjulega séð...en sem stjórnendur lands og þjóðar eru þau afleit ;)

Heiða B. Heiðars, 13.1.2009 kl. 21:06

Okkur hefur nú áður lent saman í rökræðum Ólafur Ingi Hrólfsson en guð forði mér frá því að þurfa að lesa aftur svona skrifa eftir þig. Það fer um mann kjánahrollur að lesa fullorðna karlmenn grenja eins og smástelpur yfir öðru eins smáatriði og þessu.

2 handteknir fyrir eignarspjöll á eftirlitsmyndavél (gott og vel er rétt reynist)

0 handteknir fyrir að ræna heila þjóð framtíð sinni og stinga ágoðanum í vasann (óráðsvíkingar) - LANDRÁÐ.

0 handteknir fyrir að búa til kerfið þar sem 0 hafa verið handteknir fyrir að ræna heila þjóð framtíð sinni og stinga ágoðanum í vasann (ríkisstjórn Sjálfstæðisflokks sl. 17 ár) - LANDRÁÐ.

Spurning hvernig fólk getur sætt sig við svona "smáborgararéttlæti" - sefur það betur ef það er hægt að hengja einhvern smákrimma? Réttlætir það ránið sem framið var (og er ennþá verið að fremja) á þjóðinni?

Eða er þessum fáránlega fréttaflutningi e.t.v. ætlað að vera útrás fyrir gremjufulla sjálfstæðismenn sem geta ekki beint gremju sinni í réttar áttir - svona til að lofa þeim að væla örlítið yfir þessu ástandi líka án þess að viðurkenna að hér hefur orðið fullkomið KERFISHRUN!

Frjálshyggjan er dauð - kapítalisminn er dauður, sættu þig við það Ólafur, þó Geir og FLOKKURINN sé ennþá að rembast við að rústa þjóðinni með nýju hruni - í boði þessa kerfis.

Þór Jóhannesson, 13.1.2009 kl. 23:24

Hrun Lehmansbankann hefur akkúrat ekkert að gera með hið sér íslenska hrun - það vita allir nema þeir sem lifa í blekkingu og blindri ást á frjálshyggjunni. Robert Wade (fullkomlega óháður aðili) hefur bent á að vandi Íslands er fyrst og fremst heimatilbúinn - en þið Geir eruð ekki sammála því. Frekar en þegar Wade varaði við fyrra hruninu!

Þór Jóhannesson, 13.1.2009 kl. 23:28

Þór minn er ekki allt í standi hjá þér? Þetta er þó vanlíðan.

Ólafur I Hrólfsson

Ólafur Ingi Hrólfsson, 13.1.2009 kl. 23:32

Rannveig Höskuldsdóttir -

Eins og þú sérð hér fyrir ofan bað ég Heiðu og dóttur hennar afsökunar á því að hafa farið offari í ummælum mínum. Tel og hef alltaf talið - að það beri að gera verði manni á. Hinsvegar hafði ég gleymt því að skrifa ekki fyrr en fyrstu viðbrögð (ef þau eru reiði) hafa náð að fafna sig.

Mér þykir leitt að geta ekki tjáð mig án þess að samtök sem koma þessu ekkert við séu gerð tortryggileg. Eins og é sagði í svari til Árna Páls sem nefndi samtökin - þá á ég mér líf fyrir utan þau ágætu samtök. Ef ég tjái mig í nafni þeirra geri ég það með þeim hætti að setja nafn - viðurnefni - númer og starfsheiti undir þau skrif. Þar sem fólk virðist vilja blanda þessum þáttum saman hlýtur það að gera ráð fyrir því sama gagnvart sér.

Ég hef hinsvegar ekki hugsað mér að far út í slíka lágkúru. Hitt er svo annað að mér þykja þetta afarkostir að geta ekki tjáð mig sem ég einstaklingurinn Ólafur I Hrólfsson. Hvað varðar deilur sem þú nefnir þá veit ég ekki um nein félagasamtök sem eiga ekki sín viðkvæmu mál. Þú ert biker (átt reyndar flott hjól) og ég skal ræða við þig málefni Snigla hvenær sem er + ég er stoltur af því sem ég hef unnið að á stuttum tíma og komið í gagnið - vonani samtökunum til heilla til frambúðar.

Bestu kveðjur til þín

Ólafur I Hrólfsson

Ólafur Ingi Hrólfsson, 14.1.2009 kl. 05:55